افضل نصائح هتساعدك على تعزيز حماية خصوصيتك على الشبكة العنكبوتية

 

1. ▪ استخدم متصفح Brave كمتصفح رئيسي.
2. ▪ استخدم محرك بحث DuckDuckGo بدل من محرك جوجل.
3. ▪ بلاش تستخدم تطبيقات VPN مجانية لأنها بتعتمد على جمع البيانات في الربح.
4. ▪ لو عايز VPN مجاني استخدام ProtonVPN أو Psiphon لأنها مفتوحة المصدر.
5. ▪ استخدم إيميل ProtonMail لأنه مجاني ومفتوح المصدر وبيتميز بحماية هوية المستخدم.
6. ▪ يا ريت لو موبايلك مش موجود عليه أي تطبيقات لشركة فيس بوك لأنها حرفيا أدوات تجسس عليك.
7. ▪ تقدر تستخدم موقع فيسبوك من المتصفح وتبعت رسائل منه كمان بدل ما تستخدم تطبيق ماسنجر.
8. ▪ طبعا مش محتاج أقول امسح التطبيق الاخضر واستخدم تيليجرام أو سيجنال بدل منه.
9. ▪ لو عندك إمكانية الاتصال بالنت من الواي فاي أو كابل إيثرنت استخدم الكابل بدل الواي فاي
10. ▪ نزل تطبيق Fing هيعرفك لو في شخص غريب بيسرق واي فاي واعمله بلوك (الطريقة في التعليقات).
11. ▪ جوجل مش هيبعتلك تحذير إن موبايلك ممتلئ بالفيروسات.. دي ناس بيتشغلوك عشان يخلوا موبايلك ممتلئ بالفيروسات.
12. ▪ لو دخلت مكان عام وعايز تستخدم الواي فاي هناك اتأكد من اسم الشبكة اللي بتسجل دخول ليها وإنها فعلا الشبكة الحقيقية.
13. ▪ لو فتحت واي فاي من مكان عام أو شبكة مفتوحة يفضل لو شغلت VPN قبل ما تبدأ تستخدم النت.
14. ▪ لو بتستخدم متصفح FireFox نزل إضافة Facebook Container ودي هتمنع الموقع من تعقب تصفحك على الويب.
15. ▪ لو عندك لاب توب خلي دايما في لزقة أو أي حاجة تحجب الكاميرا ويكون سهل إزالتها لما تحتاجها.
16. ▪ لو مش بتستخدم كاميرا السيلفي على موبايلك باستمرار احجبها بلزقة برده وانت الكسبان.
17. ▪ لما تنزل تطبيق على موبايك ويطلب صلاحية اختار إعطاء الصلاحية فقط لما التطبيق يكون شغال.
18. ▪ كل موقع بتسجل فيه حساب لازم يكون ليه باسورد مختلف.. تقدر تجمع كل كلمات السر في أداة Password Manager وتستخدمهم من خلال كلمة سر واحدة.
19. ▪ لو بتدفع أون لاين بلاش تستخدم بطاقة مرتبطة بحسابك البنكي.. اعمل فيزا مشتريات بمبلغ محدود واستخدمها.
20. ▪ برامج الأنتي فيروس مفيش ليها لازمة لا على الآيفون ولا على الأندرويد.
21. ▪ مفيش حد بيوزع فلوس عالنت ولا في سحب على آيفون ولا فستان هيفاء وقع.. بطلوا ضغط على الإعلانات دي.